Evrópska nýtnivikan 22.-30. nóvember

Evrópska nýtnivikan verður haldin í næstu viku, 22.-30. nóvember. Markmið vikunnar er að hvetja fólk til að draga úr óþarfa neyslu, nýta hluti betur og draga úr myndun úrgangs.

Slagorðið í ár er Kveikt á verðmætum – slökkt á sóun, en þema ársins er raf- og rafeindatækjaúrgangur (rafrusl).

Markmið nýtnivikunnar í ár er að:

• vekja athygli á neikvæðum áhrifum rafrusls á umhverfið
• minna á gildi viðgerða og endurnotkunar
• íhuga hvort við höfum raunverulega þörf fyrir ný tæki
• skila gömlum tækjum á réttan stað

Mikilvægasta leiðin til að minnka rafrusl er að draga úr eftirspurn eftir nýjum tækjum.
Þannig stuðlum við að sjálfbærari neyslu, minni auðlindanotkun og heilbrigðara umhverfi.

Við hvetjum öll til þess að kynna sér átakið á heimasíðu Saman gegn sóun og taka þátt í þessu með okkur.