Húslestur 08.10.2026

8. tbl. 38. árg. fimmtudaginn 8. október 2026. Ritstjóri og ábyrgðarmaður: Arna Ýr Arnarsdóttir

Efni:

1. Önnur fjarvistatalning annarinnar miðast við mánudaginn 5. október. Tímabilið sem talið er er frá mánudeginum 7. september til föstudagsins 2. október. Viðmið er 90% mæting. Þeir sem verða undir viðmiðinu fá senda viðvörun frá skólanum eða forráðamenn þeirra hafi þeir ekki náð 18 ára aldri. Þeir nemendur sem voru með gilda viðvörun og verða aftur undir viðmiði munu fá sent bréf vegna úrsagnar úr áfanga. Eins og alltaf er mjög mikilvægt að nemendur mæti vel í tíma.
Hér má sjá hvernig skoða má viðveru í Innu.
Mætingarreglur FSH

2. Val fyrir vorönn 2027 er hafið og lýkur þriðjudaginn 3. nóvember nk. Nemendur geta valið með aðstoð umsjónakennara. Leiðbeiningar um val í Innu er að finna hér.
Ath. að þeir sem ekki skila vali í Innu verða ekki með í stundatöflugerð fyrir vorönn 2027. Þannig gildir valið sem umsókn um skólavist.

Umsjónarkennarar geta kallað á einstaka nemendur eða hóp nemenda í viðtalstíma vegna vals, einnig er mikilvægt að nota vinnustund og fá þar aðstoð frá umsjónakennara við val.
Upplýsingar um námsbrautir skólans
Áfangaheiti í nýrri námskrá
Undanfarareglur áfanga
Athugið vel að það að áfangi sé í boði þýðir ekki endilega að hann verði kenndur. Eftir því sem fleiri velja áfanga aukast líkurnar á að hann verði kenndur.
Hér er listi yfir áfanga í boði á vorönn 2027.

Við viljum vekja sérstaka athygli á nýjum áfanga sem kenndur verður á vorönn 2027.
Áfanginn heitir NÝSK1GK05(11) 

Í áfanganum vinna nemendur að hönnun, smíði og prófun rafknúins go-kart bíls. Verkefnið byggir á samvinnu nemenda þar sem þeir mynda lið og taka þátt í öllu ferlinu frá hugmyndavinnu og hönnun til smíði og keppni. Áhersla er lögð á notkun stafrænnar hönnunar, sérstaklega þrívíddar teikniforrita, þar sem nemendur teikna alla íhluti bílsins og útbúa smíðateikningar.

Nemendur kynnast samþættingu ólíkra faggreina, svo sem málmsmíði, rafiðngreinum og tækniteikningu, og læra að nýta búnað Fab Lab smiðja við framleiðslu. Verkefnið felur í sér lausnamiðaða nálgun þar sem engin ein rétt niðurstaða er fyrirfram gefin og nemendur þurfa að takast á við raunveruleg vandamál sem upp koma í ferlinu.

Nánari áfangalýsing NÝSK1GK05(11) má finna hér

Haft verður sérstaklega samband við nemendur sjúkraliðabrúar á næstu vikum.

3. Drög að próftöflu haustannar 2026 liggja nú fyrir. Hægt er að skila athugasemdum til áfangastjóra til mánudagsins 9. nóvember nk. Ætlast er til þess að nemendur með frjálsa mætingu taki lokapróf í húsnæði FSH.

4. Nemendum, sem þjást af prófkvíða eða telja sig þurfa á sérúrræðum að halda við fyrirlögn prófa, er bent á að hafa samband við námsráðgjafa sem allra fyrst og alls ekki síðar en mánudaginn 9. nóvember.

5. Brautaskipti: Nemendur, sem vilja skipta um braut, t.d. af almennri braut yfir á stúdentsbraut, þurfa að hafa samband við áfangastjóra sem allra fyrst.

6. Úrsagnir: Síðasta tækifæri til úrsagnar úr áfanga er 16. október. Eftir það fá nemendur skráð á sig fall vilji þeir segja sig úr áfanga.