SAGA1YS05(11) - Yfirlitssaga fram til 1750 - 1800

Yfirlitssaga, Íslands- og mannkynssaga

Einingafjöldi: 5
Þrep: 1
Forkröfur: Engar
Í þessum áfanga er fyrst og fremst lögð áhersla á hratt yfirlit yfir Íslands- og mannkynssögu frá upphafi tíma og fram til loka árnýaldar (1750-1800). Þar sem námsefnið er svo yfirgripsmikið hlýtur námið að verða afar inntaksmiðað og ekki gefst mikill tími til að líta á ólíkar túlkanir eða rýniaðferðir sagnfræðinnar. Af sömu ástæðu er enginn ritgerðarhluti. Tíma- og skilaverkefni gegna því hlutverki helst að festa námsefnið betur í minni nemenda.

Þekkingarviðmið

  • sögu fornaldar allt frá forsögulegum tímum til loka Rómarveldis með sérstakri áherslu á afrek Forn-Grikkja
  • þróun vestræns samfélags á miðöldum
  • þjóðveldistíma á Íslandi og lok hans, sérstaklega stjórnskipan og stöðu Alþingis
  • umbyltingunni sem varð í Evrópu í upphafi nýaldar, með endurreisn, siðaskiptum og landafundum
  • þróun íslensks samfélags á árnýöld
  • einveldistímann í Evrópu og lok hans með upplýsingunni og frönsku stjórnarbyltingunni
  • helstu tímabilaskiptingum mannkyns- og Íslandssögunnar

Leikniviðmið

  • sjá tengsl fortíðar og nútíðar og samhengið milli tímabila, svæða og sviða
  • tileinka sér og beita hugtökum um fyrirbæri sögunnar og gera sér grein fyrir gagni þeirra og takmörkunum
  • lesa og túlka texta, kort, töflur, gröf og myndir frá mismunandi tímaskeiðum sögunnar
  • beita gagnrýninni hugsun

Hæfnisviðmið

  • koma söguþekkingu sinni og söguskilningi á framfæri með fjölbreyttum hætti
  • geta tekið þátt í skoðanaskiptum og rökræðum með jafningjum um sagnfræðileg efni
  • sýna umburðarlyndi og víðsýni gagnvart sögulegum viðfangsefnum
Nánari upplýsingar á námskrá.is