NÁMI1NS01(01) - Námstækni og hvatning

NÁMI

Einingafjöldi: 1
Þrep: 1
Forkröfur: Engar
Meginefni áfangans er námstækni, sjálfsstyrking og einstaklingsmiðuð hvatning. Helstu efnisþættir eru fjölmargar hliðar námstækni eins og tímaskipulag, glósu- og lestrartækni. Mikilvægi þess að vera meðvitaður um eigin heilsu og þá stjórn sem haft er á eigin heilsu og velgengni. Aðal áhersla áfangans er mikið utanumhald kennara, einstaklingsmiðuð þjónusta gagnvart nemendum og mynda stuðningshóp fyrir nemendur í brottfallshættu. Ásamt þjálfun nemenda í að taka alhliða ábyrgð á sjálfum sér í námi og daglegu lífi.

Þekkingarviðmið

  • Námstækni sem tæki til að ná árangri í námi og starfi.
  • Markmiðssetningu.
  • Heilsufari í víðum skilningi, eins og næringu, hreyfingu, andlegri líðan, hugarfari og svefni. Hvernig heilsufar tengist sjálfsmynd og gengi í daglegu lífi.

Leikniviðmið

  • Beita góðri námstækni.
  • Setja sér markmið.
  • Taka ábyrgð á sjálfum sér í námi og daglegu lífi.
  • Þekkja eigin styrkleika og veikleika.

Hæfnisviðmið

  • Hafa sjálfstraust í verkefnum daglegs lífs.
  • Skipuleggja eigin tíma.
  • Ná eigin markmiðum í lífinu.
  • Ljúka skilgreindu námi.
Nánari upplýsingar á námskrá.is