SKYN1GR01(11) - Skyndihjálp

Grunnnámskeið

Einingafjöldi: 1
Þrep: 1
Forkröfur: Engar
Í áfanganum öðlast nemendur þekkingu á undirstöðuatriðum skyndihjálpar og færni í að veita fyrstu hjálp. Nemendur kynnast streitu í neyðartilfellum, tilfinningalegum viðbrögðum eftir að hafa veitt skyndihjálp, sálrænum stuðningi og hvernig forðast má sýkingar. Nemendur kynnast fjórum skrefum skyndihjálpar og hvernig bregðast skal við ólíkum áverkum. Einnig læra nemendur á hjartastuðtæki og beita því til endurlífgunar.

Þekkingarviðmið

  • hvernig mat á slösuðum einstaklingi á slysstað er framkvæmt
  • hugmyndafræði skyndihjálpar og áfallahjálpar
  • framkvæmd endurlífgunar og notkun hjartastuðtæki
  • blæðingum og viðbrögðum við lostástandi
  • hættum vegna aðskotahluta í öndunarvegi
  • helstu tegundum sára, umbúða og sárabinda
  • helstu tegundum brunasára og skyndihjálp vegna brunasára
  • helstu áverkum á líkama
  • fyrstu viðbrögðum við kali, ofkælingu og ofhitnun
  • fyrstu viðbrögðum vegna bráðra sjúkdóma, eitrana, bits og stungna

Leikniviðmið

  • framkvæma mat og skoðun á slösuðum einstaklingum
  • flytja slasaðan einstakling af slysstað á öruggan hátt
  • framkvæma blástursmeðferð og hjartahnoð
  • nota hjartastuðtæki
  • losa aðskotahluti úr öndunarvegi
  • búa um sár og velja umbúðir við hæfi
  • stöðva blæðingu og búa um blæðandi sár
  • beita viðeigandi meðferð við losti
  • spelka útlimi eftir áverka/tognanir
  • veita fyrstu hjálp vegna brunasára
  • veita fyrstu hjálp vegna kals, ofkælingar og ofhitnunar

Hæfnisviðmið

  • meta aðstæður á slysstað og bregðast við þeim á viðeigandi hátt
  • vera tilbúinn að veita skyndihjálp vegna bráðra sjúkdóma, meðvitundarleysis, slysa, líkamlegra og sálrænna áverka
Nánari upplýsingar á námskrá.is