4. Innra mat

Í Framhaldsskólanum á Húsavík er innra mat:

a. Markvisst, þar sem leitast er við að greina með skipulegum hætti hvernig skólanum miðar í þeirri viðleitni að ná þeim markmiðum sem sett eru skólastarfinu í skólanámskrá.

b. Lýsandi og greinandi, þar sem notaðar eru fjölbreyttar leiðir til þess að afla upplýsinga um alla þætti skólastarfsins, í þeim tilgangi að fá fram eins skýra mynd af styrkleikum og veikleikum í starfi skólans og kostur er.

c. Umbótamiðað, þar sem niðurstöður matsins leiða ætíð til eflingar skólastarfsins.

d. Þátttökumiðað, þar sem lögð er áhersla á þátttöku allra hagsmunaaðila skólans.

e. Opinbert, þar sem niðurstöður matsins eru aðgengilegar öllum á heimasíðu skólans.