Jafnréttisstefna

Í skólanum skal leitast við að efla víðsýni og umburðarlyndi meðal starfsfólks og nemenda gangvart öðrum einstaklingum, án tillits til félags- og efnahagslegrar stöðu þeirra, hæfni, reynslu, aldurs, kynferðis, kynhneigðar, trúarafstöðu, kynþáttar eða þjóðernis.

Jafnrétti og nám

Stefna skólans er að í námi og kennslu skuli jafnrétti ávallt haft að leiðarljósi.  Mikilvægt er að kynin fái jafna athygli kennara og hann miði kennsluna við hæfi allra nemenda.
Markmiðið er að bæði kyn njóti sín í skólanum og öðlist gagnkvæman skilning á eiginleikum og kjörum hins kynsins og séu stolt af kynferði sínu.