Námsbraut fyrir leiðbeinendur í leikskólum LL

Í námi og kennslu aðstoðarfólks í leik- og grunnskólum er áhersla lögð á að búa nemendur undir að taka þátt í daglegu starfi á þessum skólastigum. Lokamarkmið námsins eru sett fram með hliðsjón af aðalnámsskrá leik- og grunnskóla og þeim lögum og reglugerðum sem tengjast þessum skólastigum. Í náminu er nemendum gefinn kostur á að takast við ákveðin störf í leik og fræðast um helstu atriði í uppeldi og kennslu. Stefnt er að því að nemendur fái innsýn í starfsemi leik- og grunnskóla og er leitast við að tengja saman hagnýta og fræðilega þætti námsins.

Inntökuskilyrði: Nemendur skulu hafa lokið grunnskólaprófi í íslensku og stærðfræði með lágmarkseinkunnina 5,0. Skólmeistara er heimilt að veita nemendum sem hafa náð 18 ára aldri inngöngu þótt þeir uppfylli ekki ofangreind skilyrði. Nauðsynlegt er að skila með umsókn öllum gögnum um fyrri skólavist.