Fréttir FSH

Í dag lauk haustönninni með síðasta umsjónartíma og prófsýningu. Átta nemendur luku stúdentsprófi og munu útskrifast formlega með félögum sínum í vor.

Skólarnir á Húsavík héldu að venju sameiginlega upp á fullveldisdaginn. Hátíðarhöldin fóru fram í Íþróttahöllinni. Skólafólk á öllum aldri fyllti höllina og sá hver skóli um að koma með eitt eða eða fleiri atriði.

Föstudaginn 24. nóvember var spurningakeppni grunnskólanna í Þingeyjarsýslu haldin í fyrsta sinn. Framhaldsskólinn á Húsavík bauð til keppninnar og höfðu nemendur hans veg og vanda af henni með dyggri aðstoð kennara síns, Valdimars Stefánssonar. Stefnt er að því að þetta verði árlegur viðburður.

Margir nemendur FSH hafa verið góðir íþróttamenn og staðið sig vel á landsvísu og jafnvel víðar. Núverandi nemandi okkar Stefán Jón Sigurgeirsson er mikill skíðamaður og var um daginn í 10 daga á Mölltaler jökli í Austurríki við æfingar með Fis-liði SKÍ sem er b-landslið.

Síðast liðinn föstudag fóru nemendur í félagsfræði 103 í heimsókn á Skrifstofu stéttarfélaganna til að hlýða á fyrirlestur um málefni stéttarfélaga. Það er að verða fastur liður að nemendur heimsæki skrifstofuna og fræðist um réttindi sín og skyldur á vinnumarkaði.

Þann 24. oktober kom til starfa við skólann danskur sendikennari Jette Philipsen fra Fanø.  Danska menntamálaráðuneytið hefur boðið  þessa aðstoð við dönskukennslu í nokkur ár og greiðir laun og ferðir kennarans.  Kennarinn starfar í 6-7 vikur við hvern skóla og þjálfar nemendur í munnlegri dönsku.

Miðvikudaginn 18. október komu nemendur 10. bekkjar Borgarhólsskóla í heimsókn ásamt Helenu Eydísi Ingólfsdóttur námsráðgjafa og kennurum sínum þeim Guðmundi Friðgeirssyni og Jóhanni Kristni Gunnarssyni. Tilgangur heimsóknarinnar var að kynna framhaldsskólann fyrir nemendum grunnskólans.

Nú er búið að birta í Innu svokallað miðannarmat. Þar er nemendum gefin einkunn í heilum tölum í hverri námsgrein fyrir sig. Miðannarmatið er eingöngu hugsað sem vísbending um stöðuna, hvatning til þeirra sem standa sig vel og ábending til þeirra sem þurfa að bæta sig. Ólíkir þættir geta legið að baki matinu milli greina.

Þriðjudaginn 17. október fóru nemendur í félagsfræði 303 á sveitarstjórnarfund ásamt kennara sínum Arnfríði Aðalsteinsdóttur.

Í gær heimsótti Freyja Haraldsdóttir FSH og flutti fyrirlestur á sal sem nefndist: “ Það eru forréttindi að lifa með fötlun”. Freyja er 20 ára og mikið líkamlega fötluð. Hún útskrifaðist sem stúdent frá Fjölbrautaskólanum í Garðabæ í desember 2005 eftir þriggja og hálfs árs nám og varð skóladúx.