Nemendafélag FSH

21.9.2011

FSH verður heilsueflandi framhaldsskóli

Þátttaka Framhaldsskólans á Húsavík í verkefninu Heilsueflandi framhaldsskóli hófst með formlegum hætti í gær. Kristján Þór Magnússon verkefnastjóri hjá Lýðheilsustöð og fyrrverandi nemandi skólans kom færandi hendi með fána og skilti þessu til staðfestingar. Bergur Elías Ágústsson bæjarstjóri dró ásamt Kristjáni Þór fánann að húni og að því búnu óskuðu þeir skólanum allra heilla í þessu mikilvæga verkefni.  Nemendur og starfsfólk skólans fengu afhenta vatnsbrúsa að gjöf frá Lýðheilsustöð og er þeim ætlað að hvetja okkur til að drekka meira vatn . Dagskránni lauk  með tónlistarflutningi nemenda skólans á „litla sviðinu“ sem staðsett er í nýrri setustofu nemenda í kjallara skólans.