Nemendafélag FSH

3.3.2008

Píramus & Þispa frumsýnir Kardemommubæinn


Í gær frumsýndi Píramus & Þispa, leikfélag FSH, hið sívinsæla fjölskylduleikrit Kardemommubærinn eftir Thorbjörn Egner. Er þetta í fyrsta skipti í mörg ár sem að leikfélag skólans er jafn virkt og í ár!

Nokkrir nemendur FSH sem og nokkrir úr Borgarhólsskóla hafa æft stíft í vetur undir stjórn Maríu Sigurðardóttur, leikstjóra, en hún setti einnig upp Fló á Skinni hjá Leikfélagi Akureyrar sem einnig er í sýningu núna á Akureyri.

Frumsýningin í gær tókst gríðarlega vel og var salurinn troðfullur af skemmtilegum áhorfendum. Leikarar Píramus & Þispu voru í skýjunum eftir sýninguna og voru sammála um að allt æfingaferlið hafi verið mjög skemmtilegt og frábært að vinna með reyndum leikstjóra á borð við Maríu.

Næstu sýningar hjá leikfélaginu eru:

Mánudag 3. mars klukkan 17:30
Þriðjudag 4. mars klukkan 17:30

Sýnt er í samkomuhúsinu á Húsavík. Miðaverð er 1500,- kr. fyrir fullorðna og 1000,- kr. fyrir 12 ára og yngri. Miðasala hefst tveimur tímum fyrir sýningu en einnig er hægt að panta miða í síma 464-1129. Við hvetjum alla til að skella sér í leikhús á þessa frábæra sýningu hjá Píramus & Þispu!

Hægt er að sjá myndir frá sýningu sem Hafþór Hreiðarsson tók með því að smella hér.